ရွေးကောက်ပွဲဝင်ဖို့ မှတ်ပုံတင်ခွင့် မရခဲ့တဲ့ KSPP ကချင်ပြည်နယ် တိုးတက်ရေးပါတီကနေ တသီးပုဂ္ဂလတွေအဖြစ် ယှဉ်ပြိုင်ဖို့ အမည်စာရင်း တင်ခဲ့တဲ့ ဒေါက်တာတူးဂျာ အပါအ၀င် အားလုံးကို ရွေးကောက်ပွဲ ကော်မရှင်က ငြင်းပယ်လိုက်တယ်လို့ အပယ်ခံရသူ တသီးပုဂ္ဂလ ကချင်ကိုယ်စားလှယ်လောင်း တဦးက အတည်ပြုပြောပါတယ်။
ဒေါက်တာတူးဂျာ အပါအဝင် ပါတီခေါင်းဆောင် ၁၂ ယောက်ကို တစုံတရာ အကြောင်းပြချက် မပေးဘဲ ပယ်ချလိုက်တာလို့ KSPP အဖွဲ့ဝင် ခေါင်းဆောင်ဟောင်း တယောက်က ကချင်လို ပြောပါတယ်။
တဘက်မှာတော့ ပြည်ထောင်စု ကြံ့ခိုင်ရေးနဲ့ ဖွံ့ဖြိုးရေး ပါတီဝင်တွေ ဖြစ်တဲ့ ကချင်တိုင်းရင်းသားတွေနဲ့ ဖွဲ့စည်းထားတဲ့ စည်းလုံးညီညွတ်ရေးနှင့် ဒီမိုကရေစီပါတီ-ကချင်ပြည်နယ် (UDPKS) ကိုတော့ မှတ်ပုံတင်ခွင့် ပြုရုံမက စာရင်းတင်သွင်းတဲ့ ရွေးကောက်ပွဲ ကိုယ်စားလှယ် ၉ ယောက်စလုံးကို ရွေးကောက်ပွဲဝင်ခွင့် ပြုလိုက်တယ်လို့ ပါတီရဲ့ ဒု-ဥက္ကဋ္ဌ ဦးဖော်လားဂမ်ဖန်က ပြောပါတယ်။
ဒီလိုအခြေအနေမှာတော့ ကချင်လူထု မျှော်လင့်ထားခဲ့တဲ့ ကချင်ပြည်နယ် တိုးတက်ရေးပါတီ အနေနဲ့ လာမယ့် ရွေးကောက်ပွဲမှာ ကိုယ်စားလှယ် တဦးတယောက်မှ ပါဝင်နိုင်မှာ မဟုတ်တော့ပါဘူး။
